O Concello de Oleiros volve organizar un curso máis clases de reforzo escolar dirixidas ao alumnado dos centros de ensino público de Oleiros de primaria e secundaria. O obxectivo principal desta acción é previr o fracaso escolar entre os escolares e garantir a igualdade de oportunidades para todo o alumnado.
As preinscricións poderán facerse presencialmente na Concellería de Ensino e Xuventude, na Fábrica, ou a través do correo a.candamio@oleiros.org. As clases comezarán a semana do 23 de outubro e terán lugar na Casa da Cultura de Perillo, na casa do pobo de Nós, no local social da Lagoa de Mera e no Centro Cívico de Santa Cruz.
MÁIS INFORMACIÓN: https://www.oleiros.org/programa-reforzo-educativo
